منتدى الانبا كاراس للمواهب الكتابية
سلام المسيح اسرة المنتدى ترحب بكم وتدعوكم للتسجيل وللعلم تم انشاء منتديات الانبا كاراس المسيحية على هذا الرابط www.eg-copts.com/vb
نتمنى زيارتكم للمنتدى


منتديات افا كاراس السائح , منتديات مسيحية . منتديات الانبا كاراس المسيحية
 
الرئيسيةالتسجيلدخولمن نحن
منتدى الانبا كاراس للمواهب الكتابية يرحب بيكم ويتمنى لكم وقتا روحيا معنا فى اسرتنا  اسرة الانبا كاراس للمواهب الكتابية والمنتدى يرحب بالجميع بالترشح فى قائمة المشرفين وذلك لفترة محدودة نظرا لحاجة المنتدى لمشرفين لتمنية خدمتنا ,,, المنتدى يقدم خدمة مجانية ليس لة اى اهداف ربحية
المنتدى ينتظر مشاركتكم الفعالة وخدمتكم القوية ودعوة اخرين وننتظر اقتراحاتكم وايضا تعلقاتكم البنائة وافكاركم الصالحة للخدمة وفى حالة اى شكوى او موضوع هام يمكنكم التحدث لأدارة المنتدى ولمراسلة ادمن المنتدىاضغط هنا , ولمراسلة مديرة المنتدى  اضغط هنا

تم افتتاح منتديات الانبا كاراس المسيحية منتديات مسيحية روحية لاهوتية اخبارية وكل ما يخص المسيحى على هذا الرابط www.eg-copts.com/vb    وللمجلة www.eg-copts.com


شاطر | 
 

 كيف تتعامل مع الاختلافات والصراعات مع شريك حياتك

اذهب الى الأسفل 
كاتب الموضوعرسالة
shery
المدير العام

المدير العام
avatar

الجنس : انثى عدد المساهمات : 762
نقاط : 7922
تاريخ التسجيل : 28/05/2011

مُساهمةموضوع: كيف تتعامل مع الاختلافات والصراعات مع شريك حياتك   الأحد سبتمبر 11, 2011 5:34 am

كيف تتعامل مع الاختلافات والصراعات مع شريك حياتك




"القدرة على ادارة و حل الصراعات"
غياب النقطة دى شائع جدا و هى من اكبر اسباب فشل العلاقات


لو انت مقبل على ارتباط و مش بتعرف تتعامل فى الخلافات او مش حاطط النقطة دى فى حسبانك اساسا يبقى انت داخل على مأزق وانتظر الانفصال العاجل او الجحيم الابدى لو حصل زواج !


و اوعى حد يتوهم انه هيعيش حياة وردية بلا صراعات او خناقات ...الاعتقاد الوردى ده فى حد ذاته علامة على قلة النضج !


الاختلافات و الصراعات ما بينكم امر محسوم ولا مفر منه
و الحل (مش انك تتجنب الصراع لان دى مصيبة اكبر)
الحل انك تمتلك فن التعامل مع الاختلافات ما بينكم
لازم تناقش المشكلات اللى ما بينكو بطريقة ايجابية و صحية
ازاى ؟



اولا
لازم الطرفين يحترموا بعض و بحترموا تفكير بعض
يتفقوا ان كل طرف فيهم مختلف و ان كل طرف يحترم اختلاف الاخر و مافيش طرف يحاول يخلى الاخر نسخة منه
بمعنى
كل طرف ليه حق ان يفكر ويحس بطريقته ...يعنى مينفعش تحكم على شريكك انه غلط علشان مش بيفكر زيك ومش بنفس طريقتك
هو ليه منطق مختلف عنك لانه اتربى بطريقة مختلفة و شخصيته مختلفة تماما ...جايز انت تكون "منطقى" و هو : "حسى" و هكذا فى جوانب كتير ...لازم تفهم ان الاتنين صح و تقدر تتعايش مع نوع شخصيته ...لو حاولت تغيره هتفشل و هيجيلك احباط لانه مش هيحصل ...الحل هو تقبل الاخر و الانسجام مع اختلافاته ...و لو مش قادر تستحمل و معندكش استعداد انك تتعامل مع الاختلاف ده مكنتش اخترته من الاول او انهى علاقتك !!!
هيكون رائع جدا لما تختلفوا و واحد يقول للتانى :"انا مختلف معاك بس انت حقك تك تفكر بطريقتك و تحس بطريقتك"
الاسلوب ده فعال جدا لانه مش بيحسسك انك غلط لانك مختلف عنه فبتدى للاخر احساس بالاحترام و الامان



ثانيا
اللى بيحصل فى الخناقات ان كل طرف بيبقى عايز يتكلم (لانه فى موقف دفاعى و يرغب فى الانتصار فى المعركة !!)
ولو سمع بيسمع للمدى اللى يخليه يجادل او يستغل اللى سمعه لصالح موقفه (اسلوب محاميين)
و بتفضل تكرر نفس الكلام كتير على امل ان موقفك يتفوق او تقنع الطرف الاخر غصبا عنه بافكارك
الاصغاء
لازم تسمع باهتمام
لو حسست اللى قدامك انك مصغى باهتام و متعاطف مع احساسه و فاهم افكاره و مشاعره ده هيخليه يحس بالراحة وسط الخلاف
اقطع الجدل العقيم و ابتدى حسس الاخر انك فاهمة
مثلا قول "طيب ,خلينى اشوف انا فاهم(ة) انت(ى) عايز(ة) تقولى ايه و لا لا.....انت عايز تفهمى ان قصدك ...." و اشرح موقف الاخر بدقة و بتفهم و تعاطف ...ساعتها الوضع هيتقلب تماما و تبدأوا توصلوا للحل



ثالثا
نقسم البحر نصين
بلاش انانية
لازم تحدد نقط الاختلاف و تشوف ايه التنازلات اللى كل طرف يقدر يقدمها (الكلام اخد و عطا) يعنى مينفعش نظام انا الراجل انا اللى كلمتى تمشى و الكلام ده من القرون الاولى و بينم على قلة احترام و استنقاص لعقل الاخر
لازم يكون عند الطرفين رغبة لتحقيق نتائج مرضية ليهم (مش واحد بس هو اللى عايز يكسب)
الصراعات بيكون حلها سهل لو كان الجو السائد هو المحبة و الايجابية و التضحية المتبادلة...اللى بيحصل ان طرف بيحس بقلة اهتمام و سوء فهم دايم و استنقاص بيكون موقفه تنافسى و مهتم بالفوز
لازم تحسس الطرف الاخر انك نفسك الصراع ده يتحل بطريقة تخليكوا انتوا الاتنين مبسوطين (كأنكوا غلبتوا الصراع)



رابعا
اياك ثم اياك فى اى صراع ان تنتقد الشخص بل انتقد الفعل
يعنى لو خطيبك اتاخر عليكى وقلتى : "انت على طول كدة مش بتحترم مواعيدك و مش مهتم بيا و ....(باقى الاسطوانة)" توقعى رد فعل دفاعى و صراع الى الابد لانك جرحتيه لشخصه هو ....بدل ما تقول "انت" اتعلم تقول "انا" يعنى افضل جدا فى نفس الموقف تقولى : "انا اضايقت انك اتاخرت عليا و كان نفسى تكون مهتم اكتر و تيجى بدرى ده كان هيفرحنى اكتر" يا سلاااااااام شوفى ازاى هيحس بذنبه و يتحايل عليكى و يعتذرلك و تتحل المشكلة



خامسا
لو شريكك كان ذكى عاطفيا و قدر يحل الصراع ...بعد ما ينتهى الصراع امدحه و اتعلم منه و اشكره علشان من حبه ليك سعى انه يحل الخلاف ده ...و اعتذرله لو كان اسلوبك فظ او قلت كلام جرحه


اخيرا و من غير شرح
اوعى تتعامل مع الخلافات بالاساليب دى :
الانكار او الهرب من الخلاف
الغضب المنفجر
التلاعب بالاخر او انك تحاول تحسسه بالذنب ..المثال الشهير ام تقول لابنها وسط صراع : "انا قربت اموت و انت بتزعلنى" ده مش حل ابدا !
التهديد : .. ...مش هعمل لو معملتيش الخ
الرجوع الى أعلى الصفحة اذهب الى الأسفل
 
كيف تتعامل مع الاختلافات والصراعات مع شريك حياتك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الانبا كاراس للمواهب الكتابية :: حياة الطهارة والقداسة :: انت والجنس الاخر-
انتقل الى: